रसुवाको भोटेकोशी नदीमा आएको भीषण बाढीका कारण ठुलो मानवीय र भौतिक क्षति भएको छ। नेपाल प्रहरीले सार्वजनिक गरेको पछिल्लो तथ्याङ्क अनुसार १६२ जनाको शव फेला परेकाे छ ।
बाढीले बगाएर ल्याएका र प्रभावित क्षेत्रमा भेटिएका गरी हालसम्म कुल १६२ जनाको शव फेला परेको हाे। सबैभन्दा धेरै चितवनमा ६४ जनाको शव फेला परेको छ। धादिङमा २७, नवलपरासीमा २६, गोरखामा २०, नुवाकोटमा १२, तनहुँमा ९, रसुवा र नवलपरासी (पश्चिम)मा २–२ जनाकाे शव फेला परेकाे हाे ।
बाढी र पहिरोमा परी घाइते भएका ४१ जनाको विभिन्न अस्पतालहरूमा उपचार भइरहेको छ। त्रिवि शिक्षण अस्पतालमा सबैभन्दा धेरै २० जना, त्रिशूली अस्पतालमा ९ जना र बाँकीको ट्रमा सेन्टर, वीर, सैनिक, ग्रीन सिटी र नर्भिक अस्पतालमा उपचार भइरहेको छ।
उद्धार कार्यलाई तीव्र पार्न हालसम्म ३,३१८ जना प्रहरी कर्मचारीहरू प्रत्यक्ष रूपमा कार्यक्षेत्रमा परिचालित भएका छन्। हराइरहेकाहरूको खोजीका लागि सुरक्षा निकायले हेलिकोप्टर र पैदल टोलीको प्रयोग गरी खोजी कार्यलाई निरन्तरता दिएको छ।