रोजगारीको सिलसिलामा भारतको उत्तराखण्ड अलमोडा गएका दुई जनाको घर भत्किँदा पुरिएर मृत्यु भएको छ । मृत्यु हुनेमा कालिकोटको नरहरीनाथ गाउँपालिका–९, निवासी ३५ वर्षीय चक्र दर्जी र ३४ वर्षीय डिल्ली दर्जी रहेका छन् ।
गएराति अविरल वर्षाका कारण उनीहरू बस्ने घर भत्किँदा पुरिएर मृत्यु भएको हो । ‘उहाँहरू बस्ने घर कच्ची रहेछ, रातमा सुतिरहेका बेला भत्किएको हो । चक्रका ३ छोरा, श्रीमती, डिल्लीका १ छोरा २ छोरी र श्रीमती छन् । परिवारको रोजीरोटी र छोराछोरीको भविष्यका लागि भन्दै अलमोडा गएका थिए ।
‘उहाँहरूको आर्थिक अवस्था निकै कमजोर छ उनीहरुका ‘बालबालिका १६ वर्षभन्दा मुनिका छन्, अहिले सबै बिचल्लीमा परे . परिवारहरुको चाहाना भने मृतकको शव नेपालमै ल्याएर अन्त्येष्टि गर्ने रहेको छ ।
तस्विर लक्ष्मन् बहादुर बमको फेसबुक बाट
