मंसिर २०, काठमाडौ ।
हाल भारतको पूर्वी उत्तर प्रदेश र बिहारको आसपासमा न्युन चापीय प्रणालीको विकास भएको छ । हाल देशका पहाडी भू–भागहरूको मौसममा आंशिकदेखि सामान्य बदली रहेको छ ।
देशका बाँकी स्थानहरुको मौसम सामान्यतया सफा रहेको जल तथा मौसम विज्ञान विभागले जनाएको छ । आज दिउँसो देशका पहाडी भू–भागहरूको मौसममा आंशिकदेखि सामान्य बदली हुने सम्भावना रहेको छ । बाँकी स्थानहरुको मौसममा आंशिक बदली हुनेछ । त्यस्तै प्रदेश नं १, बागमती प्रदेश र गण्डकी प्रदेशका पहाडी भू–भागका एक, दुई स्थानहरुमा हल्का वर्षाको सम्भावना रहेको विभागले जनाएको छ ।
त्यसैगरी आज राती पहाडी भू–भागहरूको मौसममा आंशिकदेखि सामान्य बदली रहने सम्भावना देखिएको छ । बाँकी स्थानहरुको मौसममा आंशिक बदली रहनेछ ।
प्रदेश नं १ र बागमती प्रदेशका पहाडी भू–भागका एक, दुई स्थानमा छिटपुट वर्षाको सम्भावना रहेको जल तथा मौसम विज्ञान विभागले जनाएको छ ।
