डोल्पाको जुफाल विमानस्थलमा सीता एयरको जहाज अवतरण गर्ने क्रममा दुर्घटनामा परेको छ। नेपालगन्जबाट उडेको सीता एयरको ९एन–एजे जहाज बिहान ८ः२५ बजे जुफाल विमानस्थलमा पुगेको थियो | बिमानस्थलमा अवतरण गर्ने क्रममा रनवेमा दुर्घटनामा परेको जिल्ला प्रहरी कार्यालय डोल्पाले जनाएको छ।
जिल्ला प्रहरी कार्यालय डोल्पाका प्रवक्ता प्रहरी निरीक्षक पदम रावलका अनुसार जहाज अवतरणका क्रममा पछाडिपट्टिको दायाँ चक्का बाहिर निस्किएपछि दुर्घटना भएको हो। चक्का खुस्किएपछि जहाज केही पर उछिट्टिएको प्रहरीले जनाएको छ।
पाइलटले तत्काल इन्जिन बन्द गरेपछि आगलागीबाट जहाज जोगिएको छ।
जहाजमा ७ विदेशी र ६ नेपाली गरी जम्मा १३ जना यात्रु (११ पुरुष, २ महिला) सवार रहेकाे प्रहरी कार्यालयले जनाएको छ । सबै यात्रु तथा चालक दलका सदस्यहरू पूर्ण रूपमा सकुशल छन भने जहाजमा अन्य कुनै क्षति नभएको प्रहरीले जनाएको छ ।
