नवलपरासी पूर्व विनय त्रिवेणी गाउँपालिका–३, चिसापानीमा श्रीमानले खुर्पा प्रहार गर्दा श्रीमतीको घटनास्थलमै मृत्यु भएको छ।
प्रहरीका अनुसार चिसापानी निवासी अन्दाजी ४३ वर्षीय शेरबहादुर विकले आफ्नै श्रीमती अन्दाजी ४० वर्षीया उनिमाया विकको घाँटीमा धारिलो हतियार खुर्पा प्रहार गरेका थिए।
खुर्पा प्रहारबाट गम्भीर घाइते भएकी उनिमायाको घटनास्थलमै मृत्यु भएको प्रहरीले जनाएको छ।
घटनापछि SOCO अनुसन्धान अधिकृतसहितको प्रहरी टोली घटनास्थलमा पुगेको थियो। प्रहरीले शेरबहादुर विकलाई नियन्त्रणमा लिई घटनाबारे थप अनुसन्धान तथा आवश्यक कानुनी प्रक्रिया अघि बढाएको जनाएको छ।
घटनाको कारणबारे भने थप अनुसन्धान भइरहेको प्रहरीले जनाएको छ।
