पूर्वप्रधानन्यायाधीश चोलेन्द्रशम्शेर जबरालाई सुरक्षा खतरा देखिएकाले उनको निवासमै सुरक्षा प्रदान गरिएको नेपाल प्रहरीले स्पष्ट पारेको छ।
काठमाडौं उपत्यका अपराध अनुसन्धान कार्यालयका वरिष्ठ प्रहरी उपरीक्षक सन्तोष खड्काले पूर्वप्रधानन्यायाधीश जबराको सुरक्षा खतराको विषय उठेपछि उनलाई सुरक्षा दिएर राखिएको जानकारी दिए।
‘उहाँको सुरक्षाका विषयमा हामी संवेदनशील थियौँ, केही सुरक्षा खतराको कुरा आयो। प्रहरीको निगरानीमा उहाँलाई सुरक्षा दिएर राखेका थियौँ’, खड्काले भने, ‘उहाँले आफूलाई निवासमा सहज हुने भन्नुभएकाले अब उहाँलाई घरमै सुरक्षा प्रदान गर्छौं।’
सुरक्षा खतरा ठहर भएपछि जबरालाई गएराति १२ बजेतिर प्रहरीले उनलाई घरबाट नियन्त्रणमा लिएर टेकु स्थित उपत्यका अपराध अनुसन्धान कार्यालयमा लगेको थियो । सुरक्षा चुनौतीका कारण उनलाई नियन्त्रणमा लिएको दाबी गरेको प्रहरीले अहिले उनको घरमा थप सुरक्षा प्रबन्ध गरिएको बताएको छ । एसएसपी खडकाले भने, ‘पहिले पनि उहाँलाई सुरक्षा प्रदान गरिएको थियो, अहिले थप सुरक्षा प्रबन्ध गरिएको छ |