मनोज डाँगी
रुकुम पश्चिम असोज १६
जिल्ला अस्पतालका डाक्टरले रगत दिए पछी रुकुम पश्चिममा एक सुत्केरीको ज्यान जोगिएको छ । होम डेलिभरी भएर पाठेघर बाहिर निस्केको र पाठेघरको मुख च्यातिएर अत्याधिक रक्तश्रावका कारण हेमोग्लोबिनको कमी भएर समस्यामा परेकी सुत्केरीको ज्यान जोगिएको हो ।
मुसिकोट नगरपालिका ७ की ३५ वर्षीया सुशिला घर्तीलाई जिल्ला अस्पताल सल्लेमा कार्यरत डाक्टर राजकुमार भुजेलले रक्तदान गरेपछी महिला तथा स्त्री रोग विशेषज्ञ डाक्टर केहल विक्रम जिसीको टिमले घर्तीको शल्यक्रिया गरेको थियो । सल्यक्रिया पछी अहिले बिरामीको स्वास्थ्य अवस्था सामान्य रहेको डा. भुजेलले जानकारी दिनुभयो । महिला तथा स्त्री रोग विशेषज्ञ डाक्टर जिसी आएपछि जिल्लामा जटिल प्रकृतिका प्रसुती तथा महिलाहरुको रोगको लागि उपचार तथा शल्यक्रियामा सहज भएको उहाँले बताउनुभयो । यद्यपी जिल्लामा ब्लड बैंक नुहँदा भने विरामीहरुको सल्यक्रिया गर्न समस्या हुने गरेको डा. भुजेलको भनाई छ ।।
