एजेन्सी /पेरिस — एडोरडो बोभेले दोस्रो हाफमा गरेको गोलको मद्दतले एएस रोमाले युरोपा लिग सेमिफाइनलको पहिलो लेगमा बिहीबार बायर लेभरकुजनलाई १–० गोलान्तरले हराएको छ । यो जितसँगै जोसे मोउरिन्होको रोमा झिनो अन्तरले अगाडि रह्यो ।
सेमिफाइनल पहिलो लेगको अर्को खेलमा युभेन्ट्स र सेभियाले १–१ को बराबरी खेले । फेडरिको गाटीले खेलको ९७ औं मिनेटमा युभेन्ट्सका लागि बराबरी गोल फर्काए । युसेफि इन–नेसरीले सेभियाका लागि पहिलो गोल गरेका थिए ।
युरोपा कन्फ्रेन्स लिग सेमिफाइनल पहिलो लेगका खेलमा एफसी बासेलले फियोरेन्टिनालाई २–१ ले हरायो भने वेस्ट ह्यामले एजे आल्कमरलाई समान २–१ ले हरायो ।
