लम्कीचुहा प्रादेशिक अस्पतालको सिर्जित विवाद र असमझदारी अन्ततः दुवै पक्षबीचको आपसी सहमति र प्रतिबद्धतापछि साम्य भएको छ ।
सुदूरपश्चिम प्रदेशको सामाजिक विकास मन्त्रालय (धनगढी, कैलाली) मा आयोजित एक उच्चस्तरीय बैठकमा लम्कीचुहा नगरपालिकाका नगरप्रमुख सुशीला शाही र लम्कीचुहा प्रादेशिक अस्पतालका निमित्त मेडिकल सुपरिटेन्डेन्ट (निमेसु) डा. कमलेश प्रसाद यादवबीच सौहार्दपूर्ण वातावरणमा आपसी सुमधुर सम्बन्ध स्थापित गर्ने सहमति भएको हो।
विगत केही समयदेखि अस्पतालको व्यवस्थापन र आन्तरिक विषयहरूलाई लिएर सामाजिक सञ्जालमा विभिन्न टीकाटिप्पणी र विषयहरू बाहिरिएका थिए, जसले गर्दा स्थानीय स्तरमा केही अन्योलता सिर्जना गरेको थियो। बैठकमा ती विषयहरूलाई अनावश्यक रूपमा अतिरञ्जित नगरी स्थानीय स्वास्थ्य संस्थाको गरिमालाई उच्च राख्न दुवै पक्ष सहमत भएका हुन
विवादलाइ किनारा लगाउन र अस्पतालको सेवा प्रवाहलाई चुस्त बनाउन सुदूरपश्चिम प्रदेशका सामाजिक विकास मन्त्री बेलबहादुर रानामगर र प्रदेश सभा सदस्य दिवानसिंह विष्टको विशेष समुपस्थिति र रोहवरमा यो वार्ता र सहमति भएको हो।
बैठकमा दुवै पक्षले अस्पताल जस्तो संवेदनशील क्षेत्र र कार्यस्थललाई पूर्ण रूपमा सुरक्षित, मर्यादित र राजनीतिक एवं सामाजिक हस्तक्षेप 
मुक्त वातावरण प्रदान गर्ने प्रतिबद्धता जनाएका छन। आपसी संवाद र सहकार्यका माध्यमबाट अस्पतालको सेवालाई थप प्रभावकारी र जनमुखी बनाउने विषयमा दुवै नेतृत्व एकमत देखिएका छन्।
यो सहमतिसँगै लम्कीचुहा प्रादेशिक अस्पतालको सेवा प्रवाह अझ विश्वसनीय ढंगले अघि बढ्ने र स्थानीय नागरिकले ढुक्कसँग गुणस्तरीय स्वास्थ्य सेवा पाउने विश्वास लिइएको छ।
प्रादेशिक अस्पताल विवाद टुङ्गोमा सेवाप्रवाहा प्रभाव कारि बनाउनेमा दुबै पक्ष सहमत
कर्णाली प्लस
।
१३ असार २०८३, शनिबार १०:०४