मंसिर ११, बर्दिया ।
बर्दियामा एक महिलाले आफ्नै श्रीमान विरुद्ध बलात्कारको उजूरी प्रहरी कार्यालयमा दर्ता गराएकी छन् । उजूरीपछि प्रहरीले बाँसगढी नगरपालिका –९ माछागढका ४४ वर्षीय पुरुषलाई पक्राउ गरेको हो ।
ति पुरुषले आफ्नी ४१ वर्षीय श्रीमतीलाई बलात्कार गरेको आरोप लागेको छ । श्रीमतीले श्रीमानले कुटपिट गरेर बलात्कार गरेको भन्दै उजूरीमा उल्लेख गरेको प्रहरीले जनाएको छ ।
अनुसन्धानका लागि पुरुषलाई पक्राउ गरेर अनुसन्धान अघि बढाएको ईलाका प्रहरी कार्यालय मोतिपुरले जनाकारी दिएको छ । पक्राउ परेका पुरुषकाे नाम भने प्रहरीले सार्वजनिक गरेकाे छैन ।
