एजेन्सी ।
स्पेनको राजधानी मड्रीडमा आपतकालीन अबस्थाको घोषणा गरिएको छ ।
स्पेनको राजधानी मड्रिडमा कोरोना भाइरसको सङ्क्रमण तीव्र गतिमा बढ्न थालेपछि स्पेन सरकारले आपतकालीन अवस्थाको घोषणा गरेको हो । मड्रिडमा १५ दिनका लागि आपतकालीन अवस्था लागू हुने भएको बीबीसीले जनाएको छ ।
मड्रिडको स्थानीय प्रशासनले लकडाउन लागू गर्न नचाहेपछि केन्द्र सरकारले आपतकालीन अवस्था लागू गरेको हो । तर मड्रिडका अधिकारीले भने आपतकाल लागू गर्नु न्यायपूर्ण नरहेको बताएका छन् । स्पेनमा अहिलेसम्म ८ लाख ९० हजारमा कोरोना पुष्टि भएको छ ।जसमध्ये झण्डै ३३ हजारको ज्यान गएको छ
