कार्तिक १, सुर्खेत ।
कर्णाली प्रदेशमा कोरोनाका कारण थप एक जनाको मृत्यु भएको छ । बिरेन्द्रनगर नगरपालिका-९, सुर्खेत निवासी ४२ बर्षिय एक पुरुषको आज मृत्यु भएसङ्गै यहाँ मृत्यु हुनेको संख्या १३ पुगेको छ ।
गत १० दिनदेखी रुघाखोकी, ज्वरो र टाइफाइड का कारण बिरामी उनलाई स्थानीय मेडिकलमा उपचार गर्दा निको नभएपछी प्रदेश अस्पतालमा भर्ना गरिएको थियो । प्रदेश अस्पतालको आकस्मिक कक्षमा उपचार गरिदापनी अन्ततः आज बिहान उनको मृत्यु भएको हो । मृतक पुरुषको हिजो पिसिआर जाच गरिएकोमा हिजो नै नतिजा पोजेटिभ आएको सामाजिक बिकास मन्त्रालयले जनाएको छ ।
यस अघि कर्णाली प्रदेशमा कोरोनाका कारण १२ जनाको मृत्यु भएको र यी पुरुषको मृत्यु सङ्गै कर्णालीमा कोरोनाका कारण मृत्यु हुनेको संख्या १३ पुगेको पनि सामाजिक बिकास मन्त्रालयद्वारा जारी बिज्ञप्तिमा उल्लेख छ ।
