रुकुम पश्चिम कार्तिक १५ ।
मनोज डाँगी
रुकुम जिल्लाको चौरजहारी नगरपालिकाले ५ सैयाको अस्पताल सञ्चालन गरेको छ । नगरपालिकाको चिन्नेबगरमा शहीद स्मृति नगर अस्पताल सञ्चालन गरी नगरवासीलाई सेवा दिन सुरु गरेको छ ।
अस्पतालबाट ओपिडी सेवा, इमर्जेन्सी सेवा, प्रसुति सेवा, ल्याब सेवा, फार्मेसी सेवा, एक्सरे तथा भिडियो एक्सरे सेवालगायतका सेवाहरु सञ्चालन हुने नगर प्रमुख विशाल शर्माले जानकारी दिए । सरकारवाट प्रदान हुने निःशुल्क तथा सशुल्क औषधि तथा सेवा सुविधा अस्पतालवाट प्राप्त गर्न सकिने नगरपालिकाका प्रमुखले जनाएका छन् ।
नगर अस्पताल सञ्चालन पछि नगरपालिकाको माथिल्लो भेग वडा नम्बर १० देखि १४ र सल्यानको दार्मा गाँउपालिकाका सर्बसाधारणले स्वास्थ्य सेवा पाउने भएका छन् ।
