कर्णालीलाइभ समाचारदाता
साउन-१३, काठमाडौ ।
एकिकृत समाजवादीका कर्णाली प्रदेश कमिटी सदस्य निरज कुमार आचार्य एमाले प्रवेश गरेका छन् ।
भेरी नगरपालीका-१३, का वडा सदस्य समेत रहेका नेता आचार्यले समृद्द नेपाल निर्माणको अभियान माओवादी र काङ्ग्रेसको फेर समातेर नहुने भन्दैं नेकपा एसका सबै जिम्मेवारी त्यागेर एमाले प्रवेश गरेको बताए ।
‘दक्षिणपन्थी अवसरवाद र उग्रवामपन्थी चरित्रको नेतृत्व सत्ता स्वार्थमा लिप्त भएपछि जनता र देशका मुद्दाको सुनुवाई नहुने निष्कर्षका साथ म आफ्नो मूल घरमा फर्केको हुं’ एमाले प्रवेश गर्दैं नेता आचार्यले भने ‘शुरुमा हामीलाई जसरी एमालेप्रती भड्काउने काम गरेपनि सच्चा राष्ट्रप्रेमी र जनपक्षिय काम गर्ने नेतृत्व र बिचार एमालेबाहेक कतै नभएपछि म एमालेमा लाग्ने निचोडमा पुगें ।’
आचार्यलाई एमाले केन्द्रीय पार्टी कार्यालयमा पार्टी अध्यक्ष केपी शर्मा ओलीले खादा लगाएर स्वागत गरेका थिए । पार्टी प्रवेश कार्यक्रममा एमाले केन्द्रीय सदस्य तथा पार्टी प्रचार विभागका कर्णाली प्रदेश संयोजक निरज आचार्य, कर्णाली प्रदेश कमिटीका अध्यक्ष विनोदतुमार शाहलगायतका नेताहरुको सहभागिता रहेको थियो ।
