६ बैशाख, काठमाडौ ।
एमाले सकाउने अभियानमा लागेपछि एमालेका निलम्बित नेता माधवकुमार नेपाल एक्लै पर्न थालेका छन् । नेता नेपालका सवैभन्दा नजिक मानिने केन्द्रीय सदस्य बिष्णु रिजालले पनि आजबाट उहाँको साथ छाडेका छन् ।
प्रधानमन्त्री निवास बालुवाटारमा आजबाट सुरु भएको केन्द्रीय कमिटी बैठकमा सहभागी भएर रिजालले नेपालको साथ छाडेको बताएका हुन् । तात्कालिन एमालेका प्रचार बिभागका सचिव रिजाल नेकपा गठन हुँदा केन्द्रीय सदस्यमा मनोनीत भएका थिए । एमालेमा सदैव माधवकै निकट रही सघाउँदै आएका रिजाल आज केन्द्रीय कमिटी बैठकमा सहभागी भएका हुन् ।
रिजालले यसअघि नै एमाले बिभाजन गरी माधव नेपालले गठन गर्ने पार्टी चल्नै नसक्ने भन्दै बैधानिक फोरममा नै आफ्नो धारणा राख्न सुझाएका थिए । तर नेता नेपालले प्रचण्डको डिजाइनमा एमाले तहस-नहस बनाउने कसम खाएपछि रिजालले उनको साथ छाडेका हुन् । @janatatimes.com
