कर्तिक ४, दैलेख ।
दैलेखको गुराँस गाउँपालिकाको बान्द्रेमा टिप्पर दुर्घटनाहुँदा दुई जनाको मृत्यु भएको छ । सियाकोट–तल्लोडुंगेश्वर सडक खण्डको बान्द्रेमा सुर्खेत आउँदै गरेकाे टिप्पर दुर्घटनाहुँदा दुई जनाको घटनास्थलमै मृत्यु भएको हो । एक जना भने घाइते छन् ।
टिप्पर सडकबाट लोहोरे खोलामा खसेको जिल्ला प्रहरी कार्यालय दैलेखका डिएसपी अनुपम श्रेष्ठले जानकारी दिए ।
‘टिप्पर नम्बर र मृत्यु हुनेको पहिचान खुलेको छैन्’ डिएसपी श्रेष्ठले भने, ‘प्रहरी भर्खरै घटनास्थलमा पुगेकाले केही समयमा विस्तृत विवरण आइपुग्छ ।’
स्थानीयका अनुसार टिप्पर सडकबाट झण्डै तीन सय मिटर तल खोलामा खसेको छ । घाइतेकाे तल्लाेडुंगेश्वरकाे स्थानीय मेडिकलमा उपचार भइरहेकाे छ ।
