मनोज डाँगी
कार्तिक २१, रुकुम पश्चिम ।
जिल्ला प्रहरी कार्यालय रुकुम पश्चिमले दुई किलो लागु ओैषध अफिम सहित दुई जनालाई शुक्रबार बिहान पक्राउ गरेको छ । जिल्लाकाे आठबिसकाेट नगरपालिका ९ स्थित राडिबजारमा रहेको धिरेन्द्र शाहको घरमा बस्ने जाजरकोट नलगाड न.पा. ८ बस्ने बर्ष ४६ को माल बहादुर सिंह र साेहि ९ बस्ने वर्ष ६० को काली बहादुर सिंहको साथबाट उक्त सामाग्री बरामद गरिएको हाे ।
कर्णाली प्रदेश प्रहरी कार्यालय सुर्खेतबाट खटिएको विशेष टोली, ब्यूरो सुर्खेतको टोली, जिप्रका रुकुम पश्चिम र ईप्रका. आठबिसकोटबाट खटिएको टोलीले निज धिरेन्द्र शाहको घरमा खानतलासी गर्ने क्रममा १२ किलो अफिम सहित उनिहरु दुबै जनालाई नियन्त्रणमा लिई थप अनुसन्धान कार्य भैरहेको जिल्ला प्रहरी कार्यालय रुकुम पश्चिमले जनाएको छ ।
