सुर्खेत प्रहरीले लागुऔषध ब्राउन सुगरसहित एक जनालाई पक्राउ गरेको छ।
पक्राउ पर्नेमा वीरेन्द्रनगर नगरपालिका–७ मिलनचोकका ३६ वर्षीय दीपक बहादुर शाही रहेका छन्।
प्रहरीका अनुसार विशेष सूचनाका आधारमा लागुऔषध नियन्त्रण ब्युरो शाखा कार्यालय सुर्खेत र नगर प्रहरी कार्यालय सुर्खेतबाट खटिएको संयुक्त टोलीले मिलनचोकस्थित सडक खण्डमा शंकास्पद अवस्थामा हिँडिरहेका शाहीलाई नियन्त्रणमा लिएर चेकजाँच गरेको थियो।
लागुऔषध नियन्त्रण ब्युरो शाखा कार्यालय सुर्खेतका प्रहरी वरिष्ठ हवल्दार गगन बहादुर नेपाली र नगर प्रहरी कार्यालय सुर्खेतका प्रहरी सहायक निरीक्षक यज्ञ बहादुर शाहीको नेतृत्वमा खटिएको टोलीले शरीर खानतलासी गर्दा ४ पुरिया र १ पोकामा राखिएको खैरो धुलो पदार्थ बरामद गरेको प्रहरीले जनाएको छ।
पक्राउ परेका शाहीलाई नियन्त्रणमा लिई थप अनुसन्धान तथा आवश्यक कानुनी कारबाहीका लागि जिल्ला प्रहरी कार्यालय सुर्खेतमा राखिएको प्रहरीले जनाएको छ।
सुर्खेतमा लागुऔषध ब्राउन सुगरसहित एक जना पक्राउ
कर्णाली प्लस
।
३१ असार २०८३, बुधबार ११:१४