बनेपा: बिपी राजमार्गको बुच्चाकोट नजिक सेल्फी डाँडामा बस दुर्घटना भएको छ । काभ्रेपलान्चोकको बनेपाबाट जिल्लाको रोसी गाउँपालिकाको सुँगुरेतर्फ जाँदै गरेको ब ३ ख ८३९८ नम्बरको यात्रुवहाक बस शुक्रबार दिउँसो दुर्घटना भएको हो ।
दुर्घटनामा हालसम्म ७ जनाको मृत्यु भएको छ । घटनामा धेरै यात्रु हताहत भएको अनुमान गरिएको छ । दुर्घटनामा ७ जनाको ज्यान गएको र ज्यान गुमाउनेको परिचय खुल्न नसकेको जिल्ला प्रहरी कार्यालय काभ्रेले जनाएको छ । दुर्घटना भएको बस अरनिको यातायातको हो । घटनास्थलमा अहिले उद्धार कार्य भइरहेको छ । 
प्रहरीका अनुसार १६ जनालाई उद्धार गरी धुलिखेल अस्पतालमा पठाइएको छ । बसमा कति जना चढेका थिए खुल्न सकेको छैन । बस चालकले प्रहरीलाई बताए अनुसार २५ देखि ३० जना यात्रु रहेका प्रारम्भिक विवरण छ । दुर्घटनाको थप विवरण आउन बाँकी छ ।
काभ्रेमा बस दुर्घटना : ७ जनाको ज्यान गयो
कर्णाली प्लस
।
२९ जेष्ठ २०८३, शुक्रबार १६:२७