फाइल तस्वीर
मनोज डाँगी
कार्तिक २७, दाङ ।
दाङ देउखुरीको जुरौनीमा गुडिरहेको बसमा एक्कासी आगलागी भएको छ । पोखराबाट तुलसीपुर तर्फ जाँदै गरेको ना ५ ख ३६६ नम्बरको यात्रुबाहक बसमा अचानक आगलागी भएको हो ।
कालाकाटे र धानखोला बीचको जंगल क्षेत्रमा उक्त बसमा आगलागी भएको अस्थायी प्रहरी पोष्ट कालाकाटेका प्रहरी प्रमुख उज्जवल शाहले जानकारी दिए । आगलागीबाट बस पूर्ण रुपमा जलेर खरानी भएको छ । बसको ईञ्जिनमा वाईरिङ्ग सट भएर लागलागी भएको प्रारम्भिक अनुसन्धानबाट खुल्न आएको प्रहरी प्रमुख शाहले बताए । बसमा २३ जना यात्रु थिए ।
आगलागीबाट यात्रुहरुलाई भने केही नभएको र सबै यात्रु सकुसल रहेको प्रहरीले जनाएको छ ।आगलागीबाट बस भित्र रहेको यात्रुहरुको समान समेत जलेर पूर्ण रुपले खरानी भएको छ । उक्त बसका यात्रुहरुलाई अर्को बसको व्यवस्था गरी घर पठाइएको प्रहरीले जनाएको छ ।
