सल्यान, असोज ३० ।
सल्यानमा आफ्नै भाइले दाइको हत्या गरेका छन् । सल्यानको बनगाड कुपिण्डे नगरपालिका वडा न १० थापाचौर बस्ने २१ वर्षीय भाइ देवीलाल पुनले आफ्नै २४ बर्षिया दाइ अमर पुनको हत्या गरेको वडाअध्यक्ष मानसिंह पुरीले जानकारी दिए । घरको सामान्य बिवादका कारण झगडा हुँदा दाउरो प्रहार गरेर भाइले दाइको हत्या गरेको जनाइएको छ ।
बिहीबार साँझ भाइले दाइको हत्या गरेर शव गाउँ नजिकैँको जोगेन्द्र भन्ने जंगलको ओढारमा फालेको अबस्थामा आज भेटिएको जनाईको छ । घटनाका बारेमा जानकारी प्राप्त भएपछि प्रहरी टोली घटना स्थलतर्फ गएको जिल्ला प्रहरी कार्यालय सल्यानले जनाएको छ ।
प्रहरी टोली घटना स्थलमा पुगेपछि थप वितरण आउने प्रहरी प्रमुख, डिएसपि गोबिन्द थापा क्षेत्रीले जानकारी दिएका छ्न् । हत्याका आरोपी भाइ अहिले फरार रहेको र उनको खोजी कार्य भइरहेको प्रहरीले बताएको छ ।
